All posts by Coordinator

Illegitimate internet shutdown extended beyond elections — ဥပဒေနှင့်ဆန်ကျင်သည့် အင်တာနက်ဖြစ်တောက်မှုအား ရွေးကောက်ပွဲအလွန်ကာလသို့ ထပ်မံသက်တမ်းတိုးသည့်အပေါ် ပူးတွဲသဘောထားထုတ်ပြန်ချက်

မြန်မာဒစ်ဂျစ်တယ်အခွင့်အရေးဖိုရမ်၏ ပူးပေါင်းစီစဉ်သူ အဖွဲ့(၄)ဖွဲ့ဖြစ်သည့် လွတ်လပ်သောထုတ်ဖော်ပြောဆိုခြင်း-မြန်မာ(FEM)၊ မြန်မာ့စီးပွားရေးကဏ္ဍတာဝန်ယူမှုရှိရေး အထောက်အကူပြု ဌာန(MCRB) ၊ “မြန်” အိုင်စီတီ(MIDO) နှင့် ဖန်တီးရာ(Phandeeyar) တို့သည် ရွေးကောက်ပွဲ အလွန်ကာလအထိ အကျိုးသက်ရောက်မှုရှိသော အင်တာနက်ဖြတ်တောက်မှုအား သက်တမ်းတိုးရန်အတွက် ဆက်သွယ်ရေးကုမ္ပဏီများသို့ အမိန့်ပေးခဲ့သော အစိုးရ၏ နောက်ဆုံးထွက်ရှိထားသည့် အမိန့်ညွှန်ကြားစာအပေါ် များစွာ စိုးရိမ်မိပါသည်။ အစိုးရအနေဖြင့် ရခိုင်နှင့် ချင်းပြည်နယ်တို့တွင် 3G၊ 4G အင်တာနက်များ အမြန်ဆုံး ပြန်လည်ဖွင့်ပေးရေးနှင့် နောက်ထပ် ကွန်ရက်ဖြတ်တောက်နှောက်ယှက်မှုများ ပြဌာန်းချမှတ်ခြင်းမှ ရှောင်ကြည်ပေးပါရန် ကျွန်ုပ်တို့ တောင်းဆိုလိုက်သည်။ မြန်မာ့ မိုဘိုင်း ဆက်သွယ်ရေးထောက်ပံ့သူများ ဖြစ်ကြသည့် MPT၊ Mytel၊

New manifesto tool to compare parties on human rights — လူ့အခွင့်အရေးများနှင့် ပတ်သက်၍ ပါတီများ၏ ကတိကဝတ်များအပေါ် နှိုင်းယှဉ်လေ့လာသည့် Tool အသစ်

မဲဆန္ဒရှင်များအနေဖြင့် ၂၀၂၀ ရွေးကောက်ပွဲတွင် ပါဝင်ယှဉ်ပြိုင်ကြမည့် နိုင်ငံရေးပါတီများ၏ ကတိကဝတ်များကို နှိုင်းယှဉ်လေ့လာနိုင်သည့် ဒစ်ဂျစ်တယ် Tool အသစ်တစ်ခုကို FEM က စတင်မိတ်ဆက်လိုက်သည်။ ဤ tool တွင် အထွေထွေသောလူ့အခွင့်အရေး၊ မီဒီယာလွတ်လပ်ခွင့်၊ ဆန္ဒထုတ်ဖော်ခွင့်၊ သတင်းအချက်အလက်ရယူဖြန့်ဝေနိုင်ခွင့်၊ အမုန်းစကားနှင့် ဒစ်ဂျစ်တယ်အခွင့်အရေး စသည်တို့နှင့် ပတ်သက်၍ ပါတီများ၏ ကတိကဝတ်များကို နှိုင်းယှဉ်ဖော်ပြထားသည်။ “ကျွန်မတို့ရဲ့ ရည်ရွယ်ချက်ကတော့ နိုင်ငံရေးပါတီတွေရဲ့ လူ့အခွင့်အရေးနဲ့ ပတ်သက်ပြီး ပေးထားတဲ့ ကတိကဝတ်တွေအကြောင်း ပြည့်စုံတဲ့၊ အချက်အလက်တိုက်ဆိုင်စစ်ဆေးထားတဲ့၊ ကတိကဝတ်တွေကို နှိုင်းယှဉ်ပြပေးထားတဲ့ သတင်းအချက်အလက်တွေ၊ ဒါမှမဟုတ်ရင်လည်း လူ့အခွင့်အရေးနဲ့ပတ်သတ်ပြီး ကတိကဝတ်ပြုထားခြင်းမရှိတဲ့ သတင်းအချက်အလက်တွေ ကို မဲဆန္ဒရှင်ပြည်သူတွေထံ

Government blocks website critical of NLD and State Counsellor — NLD နှင့် နိုင်ငံတော်အတိုင်ပင်ခံပုဂ္ဂိုလ်ကို ဝေဖန်သည့် ဝက်(ဘ်)ဆိုက်စာမျက်နှာများကို အစိုးရက ပိတ်ပစ်ရန် အမိန့်ပေး

ရွေးကောက်ပွဲကျင်းပရန် တစ်လမျှသာ လိုသည့်အချိန်တွင် မြန်မာအစိုးရသည် NLD အစိုးရနှင့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့အပေါ် ဝေဖန်စာများ ရေးသားနေသည့် ဝက်(ဘ်)စာမျက်နှာတစ်ခုကို ပိတ်ပင်ရန် မိုဘိုင်းဖုန်းအော်ပရေတာ ကုမ္ပဏီအားလုံးကို အမိန့်ထုတ်ညွှန်ကြားခဲ့သည်။ “ရွေးကောက်ပွဲကျင်းပဖို့ တစ်လတောင် မလိုတော့တဲ့အချိန်မှာ အခုလို မြန်မာအစိုးရက NLDနဲ့ နိုင်ငံတော်အတိုင်ပင်ခံပုဂ္ဂိုလ်ကို ဝေဖန်တဲ့ ဝက်(ဘ်)စာမျက်နှာကို ပိတ်သိမ်းပစ်ဖို့ အမိန့်ပေးတယ်လို့ သိရတာ တကယ့်ကို အံ့သြမိတယ်” ဟု FEM ၏ ဒါရိုက်တာဖြစ်သူ ယဉ်ရတနာသိန်းက ဆိုသည်။ “ ပိတ်ပင်ခံရတဲ့ ဝက်(ဘ်)စာမျက်နှာက အများအားဖြင့် အချက်အလက်တွေမဟုတ်ဘဲ အမြင်အယူအဆတွေကိုသာ ဖော်ပြထားတာတွေ ဖြစ်ပါတယ်။ ထင်မြင်ယူဆချက်မှန်သမျှဟာ ကြောင်းကျိုးဆီလျော်သည်ဖြစ်စေ၊

UEC and State-controlled broadcasting undermine elections — ရွေးကောက်ပွဲကို ယုတ်လျော့စေသည့် ရွေးကောက်ပွဲကော်မရှင်နှင့် နိုင်ငံပိုင် ရုပ်သံထုတ်လွှင့်ရေးကဏ္ဍ

ပြည်ထောင်စု ရွေးကောက်ပွဲကော်မရှင် အနေဖြင့် အစိုးရ၏ မီဒီယာအပေါ်ထိန်းချုပ်ခြင်းကို အသုံးချပြီး အတိုက်အခံပါတီများအပေါ် ဆင်ဆာဖြတ်တောက်နေခြင်းကို ချက်ချင်း ရပ်တန့်ပေးရန် FEM က တိုက်တွန်းလိုက်သည်။ နိုင်ငံရေးပါတီများ၏ ရွေးကောက်ပွဲဆိုင်ရာရုပ်သံထုတ်လွှင့်မှုကို ကြားဝင်စွက်ဖက်ခြင်းသည် နိုင်ငံတကာ ဒီမိုကရေစီစံနှုန်းများကို ချိုးဖောက်သကဲ့သို့ မြန်မာနိုင်ငံ၏ လွတ်လပ်ပြီး တရားမျှတသောရွေးကောက်ပွဲတစ်ရပ် ဖြစ်ပေါ်လာစေရေးကိုလည်း ခြိမ်းခြောက်လျှက်ရှိသည်။ အမျိုးသားဒီမိုကရေစီအဖွဲ့ချုပ် (NLD) ပါတီသည် လွတ်လပ်သော ရုပ်သံမီဒီယာများ ပေါ်ပေါက်ရေးနှင့် လွတ်လပ် မျှတသော ရွေးကောက်ပွဲများ ဖြစ်လာစေရေးအတွက် ၂၀၁၅ ရွေးကောက်ပွဲ၌ (NLD ၏ ရွေးကောက်ပွဲ ကြေညာစာတမ်း၊ အခန်း ၄.၁၁.၃ နှင့် ၂.၄ တွင်)

Right to information day 2020 — ၂၀၂၀ ခုနှစ် သတင်းအချက်အလက်အခွင့်အရေးနေ့

အစိုးရသည် ၂၀၁၅ မှစ၍ သတင်းအချက် အလက်အခွင့်အရေးကို အားတက်သရော ထိန်းချုပ်၊ ကန့်သတ်၊ ပိတ်ပင်၍ရသည့် ဥပဒေများ၊ မူဝါဒများနှင့် လုပ်ထုံးလုပ်နည်းများ ပြဌာန်းသတ်မှတ်လာသည်။ အစိုးရသည် ရုပ်သံနှင့် ရေဒီယိုလိုင်းအားလုံးကို ထိန်းချုပ်ခြင်း 1၊ မီဒီယာများကိုလည်း လွတ်လပ်စွာမလှုပ်ရှားနိုင်အောင် (သို့မဟုတ်) အများပြည်သူဆိုင်ရာ အင်စတီကျူးရှင်းများထံ လက်လှမ်းမမီအောင် ပိတ်ပင်ထားခြင်း၊ အင်တာနက်ကို ခြေခြေမြစ်မြစ် မဟုတ်ဘဲ စိတ်ထင်တိုင်းပိတ်ခြင်း 2 နှင့် သတင်းဝက်(ဘ်)ဆိုက်များကို ပိတ်ခြင်းတို့ ပြုလုပ်နေ သည်။ 4 အချိန်အတန်ကြာကတည်းက ကတိပေးထားသည့် သတင်းအချက်အခွင့်အရေးဥပဒေကြမ်းမှာ လည်း ၂၀၁၅ နောက်ပိုင်းတွင် ပွင့်လင်းမြင်သာမှုမရှိသည့် သောင်မတင်ရေမကျအခြေအနေ၌ ငြိမ်သက် နေသည်။ ထိုချိန်တွင် ရိုက်တာသတင်းထောက်များကိစ္စဖြစ်ပွားခဲ့ရာ5 ထိုဥပဒေအစား အမျိုးသားမှတ်တမ်းနှင့်

“No vote” campaigns are protected in democracies — ဒီမိုကရေစီစနစ်များတွင် “မဲမပေးရေး” လှုပ်ရှားမှုများကို ခွင့်ပြုကာကွယ်ပေးထားသည်

မြန်မာနိုင်ငံ၌ ဖြစ်ပွားလျှက်ရှိသော “မဲမပေးရေး” လှုပ်ရှားမှုများ အပါအဝင် ရွေးကောက်ပွဲ သပိတ်မှောက်သည့် ကမ်းပိန်းများသည် နိုင်ငံတကာဥပဒေအရသော်လည်းကောင်း၊ မြန်မာ့ဖွဲ့စည်းပုံ အခြေခံဥပဒေအရသော်လည်းကောင်း ဥပဒေလမ်းကြောင်းအရ အကာကွယ်ခံထိုက်သော ဒီမိုကရေစီ ငြင်းခုံဆွေးနွေးမှုပုံစံ တစ်ခုသာ ဖြစ်သည်။ မြန်မာနိုင်ငံ ပြည်ထောင်စုရွေးကောက်ပွဲကော်မရှင်က ၂၀၁၀ ရွေးကောက်ပွဲ ဥပဒေအရ ရွေးကောက်ပွဲသပိတ်မှောက်သည့် ကမ်ပိန်းများသည် ဥပဒေနှင့် မညီကြောင်း သတိပေးမှုများ ပြုလုပ်ခဲ့ပြီး ဖေ့စ်ဘွတ်စာမျက်နှာပေါ်၌ ယင်းကမ်ပိန်းအား တွေ့ရှိပါက ရဲများထံသို့ တိုင်တန်းနိုင်ကြောင်းလည်း ဆိုသည်။၁ ကော်မရှင်သည် ထောင်ဒဏ် တစ်နှစ်အထိ ချမှတ်နိုင်သော ခြိမ်းခြောက်မှုမြောက်သည့် ၄င်းဥပဒေပါ ပုဒ်မ ၄ ခုအား အသားပေး ဖော်ပြခဲ့သည်ကိုလည်း

Privacy Amendment welcome but insufficient to address misuse of defamation — နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေး ဥပဒေပြင်ဆင်ချက်သည် ကြိုဆိုဖွယ်ရာ ဖြစ်သော်လည်း အသရေဖျက်မှုနှင့်ပတ်သက်၍ လွဲမှားနေသောပြဿနာများကို ဖြေရှင်းရန် လုံလောက်ပြည့်စုံမှုမရှိပေ

မြန်မာနိုင်ငံ၏ အသရေဖျက်မှုဥပဒေများသည် ဒီမိုကရေစီနှင့်ဆန့်ကျင်ဘက်ဖြစ်နေကြောင်း လွှတ်တော်၏အသိအမှတ်ပြုမှုကို ပြသသော်လည်း ဝေဖန်ထောက်ပြသူများအား အပြစ်ပေးအရေးယူနေသည့် အခွင့်အာဏာကိုမူ ဤနိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေး ဥပဒေပြင်ဆင်ချက်မှ ရပ်တန့်စေလိမ့်မည် မဟုတ်ပေ။ ထိုကြောင့် ဥပဒေပြင်ဆင်ချက်ကို ပိုမိုအကျယ်တဝံ့ပြင်ဆင်ဆောင်ရွက်ရန် လိုအပ်ပါသည်။ အဆိုပါ နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေး ဥပဒေအား ပြင်ဆင်သည့် ဥပဒေကို ၂၀၂၀ ပြည့်နှစ်၊ ဩဂုတ်လ ၂၆ရက် တွင် လွှတ်တော်မှ အတည်ပြုပြဌာန်း ခဲ့သည်။ မူလ “နိုင်လွတ်လုံ ဥပဒေ ”(၂၀၁၇)သည် လူတစ်ဦးတစ်ယောက်ချင်းစီ အပေါ် အထိန်းအကွပ်မဲ့ စောင့်ကြပ်မှုအား ကာကွယ်ရန် အပေါ်ယံသွင်ပြင်လောက်သာ

One Month of 2G shows shutdown continues and undermines Covid-19 crisis response — တစ်လကြာမြင့်ခဲ့ပြီဖြစ်သော 2G ဝန်ဆောင်မှုသည် အင်တာနက်ဖြတ်တောက်မှုများ တည်ရှိနေဆဲ ဖြစ်ကြောင်း ဖော်ပြနေခြင်းဖြစ်ကာ ယင်းသည် ကိုဗစ်-၁၉ တုံ့ပြန်ချက်များအား ထိခိုက်စေသည်

နှေးကွေးပြီး လုံခြုံမှုမရှိသော 2G ကွန်ရက် ချိတ်ဆက်မှုသည် အမှန်တကယ်လိုအပ်သော ချိတ်ဆက်မှုများ အား 3G (သို့) 4G တို့ကဲ့သို့ မပံ့ပိုးပေးနိုင်သောကြောင့် ရခိုင်နှင့်ချင်းပြည်နယ်တို့တွင် အလွန်ဆိုးရွားသော အင်တာနက်ပိတ်ဆို့မှုများ ဆက်လက်တည် ရှိနေဆဲဖြစ်သည်။ ထို့ကြောင့် မြန်မာအစိုးရအနေဖြင့် 3G နှင့် 4G ကွန်ရက်များအား ပြန်လည်ဖွင့်ပေးပြီး ကွန်ရက်နှောင့်ယှက်မှုလုပ်ဆောင်ခြင်းများမှ ရှောင်ကြဉ်ပေးပါရန် ကျွန်ုပ်တို့က တောင်းဆိုလိုက်ပါသည်။ မှတ်တမ်းများအရ မြန်မာနိုင်ငံ၏ အင်တာနက်ဖြတ်တောက်မှုသည် ကမ္ဘာ့အကြာရှည်ဆုံးသော ဖြတ်တောက်မှု တစ်ခုဖြစ်လာကာ ယခုအခါတွင်လည်း 2G ဖြင့် ကွန်ရက်ပိတ်ဆို့မှုများ ရှိနေသေးသည်။ 2G တွင် အများ ပြည်သူဝန်ဆောင်မှုများ၊ ဆန္ဒမဲသတင်းများ

New report: Reform abandoned? — ပြုပြင်ပြောင်းလဲရေး အပစ်ပယ်ခံလိုက်ရပြီလား

မြန်မာနိုင်ငံ၏ ၂၀၂၀ ပြည့်နှစ် “ကမ္ဘာ့နိုင်ငံအားလုံး၏ လူ့အခွင့်အရေးအခြေအနေကို ပုံမှန်သုံးသပ်သည့် လုပ်ငန်းစဉ်” အတွက် လွတ်လပ်စွာထုတ်ဖော်ပြောဆိုမှု ငါးနှစ်တာသုံးသပ်ချက်။ မြန်မာနိုင်ငံ၏ ဒီမိုကရေစီအသွင်ကူးပြောင်းမှုသည် ၂၀၂၀ ပြည့်နှစ် ဒီဇင်ဘာလ ၇ ရက်နေ့တွင် (၁၀) နှစ် ပြည့် မည်ဖြစ်သည်။ ၂၀၁၀ ပြည့်နှစ်တွင် တစ်စိတ်တစ်ပိုင်းပွင့်လင်းသည့် ပထမဆုံး အထွေထွေရွေးကောက်ပွဲကို ကျင်းပပြီးနောက် အရပ်သားအမည်ခံ USDP အစိုးရ ဖြစ်လာခဲ့သည်။ နောက်ငါးနှစ်အကြာ၌ ကျင်းပသည့် ၂၀၁၅ ခုနှစ် အထွေထွေရွေးကောက်ပွဲမှာတော့ NLD အစိုးရ ပြန်လည်ပေါ်ပေါက်ခဲ့ပြီး ယခုနှစ်မှာတော့ မြန်မာနိုင်ငံ၏ တတိယမြောက် အထွေထွေရွေးကောက်ပွဲကို ကျင်းပတော့မည် ဖြစ်သည်။ ထို ၁၀ နှစ်ကာလ တစ်လျှောက်တွင်

Internet shutdown will increase risk of Covid-19 outbreak in Rakhine and Chin — ရခိုင်နှင့် ချင်းပြည်နယ်တို့၌ အင်တာနက်ဖြတ်တောက်ထားမှုသည် ၄င်းဒေသများတွင် Covid-19 ကပ်ရောဂါ ဖြစ်ပွားမှုအန္တရာယ်ကို အရှိန်မြှင့်တက်စေသည်

ယခုလက်ရှိဖြစ်ပွားလျက်ရှိသော ရခိုင်နှင့်ချင်းပြည်နယ်ရှိ မြို့နယ် ၉ မြို့နယ်၌ အင်တာနက်ဖြတ်တောက်ထားမှုသည် ကမ္ဘာ့ကပ်ရောဂါ ကိုဗစ်-၁၉ ကို ခုခံတိုက်ခိုက်ရာတွင် ပြည်သူများ၏ စွမ်းဆောင်ရည်ကို သိသိသာသာ လျော့ကျသွားစေသည်။ မကြာသေးမီအချိန်က အစိုးရမှ 2G အင်တာနက်ကို ပြန်လည်ပေးအပ်ခဲ့သော်လည်း ၄င်း 2G သည် လွန်ခဲ့သော နှစ်သုံးဆယ်က အသုံးပြုခဲ့သည့် နည်းပညာသာဖြစ်ပြီး အင်တာနက်ကို ထိရောက်စွာ အသုံးပြုနိုင်ရန် နှေးကွေးလွန်းလှသည်။ ၄င်း အင်တာနက်ဖြတ်တောက်ခံထားရသည့်ဒေသတွင် နေထိုင်သူပေါင်း (၁.၄) သန်းဝန်းကျင်ရှိပြီး ၄င်းတို့သည် အဆိုပါ ကပ်ရောဂါဆိုးနှင့် ပတ်သက်သည့် နောက်ဆုံးရ သတင်းအချက်အလက်များကို လက်လှမ်းမှီနိုင်ခြင်း မရှိသည့်အပြင် ၄င်းတို့နှင့် ၄င်းတို့၏